Vinnustaðurinn
Við erum Helix
Helix teymið hefur það sameiginlega leiðarljós að vilja hafa jákvæð áhrif á líf einstaklinga í gegnum heilbrigðiskerfið með því að þróa tæknilausnir sem auðvelda störf heilbrigðisstarfsfólks.
Vilt þú vera hluti af teyminu?
Leiðarljós okkar í starfi
Umhyggja
- Við gerum ráð fyrir góðum ásetningi og berum virðingu fyrir ólíkum sjónarmiðum
- Við fögnum sigrum og skemmtum okkur saman
- Við sýnum viðskiptavinum virðingu og umhyggju
- Við höfum jákvæð áhrif á fólk í kringum okkur
- Við gefum hvort öðru uppbyggilega gagnrýni
- Við komum vel fram og sýnum umburðarlyndi
- Við erum jákvæð og hvetjandi
Áhrif
- Við treystum okkur til að ögra óbreyttu ástandi og prófa nýja hluti
- Við erum leiðtogar og látum að okkur kveða í samfélaginu
- Við erum leiðbeinandi og miðlum þekkingu okkar áfram
- Við setjum okkur í spor notenda og hlustum á þeirra þarfir
- Við þróum lausnir sem einfalda líf notenda og þeirra sem þau þjóna
- Við erum útsjónarsöm og lausnamiðuð
Hugvit
- Við nýtum þekkingu okkar og reynslu til nýsköpunar
- Við ígrundum allar hugmyndir af virðingu og jákvæðni („já og“ hugarfar)
- Við leysum vandamálin saman og drögum rétta aðila að borðinu
- Við vinnum með styrkleika hvers annars
- Við fáum innblástur úr hversdagsleikanum
- Við leitum leiða til að dýpka þekkingu okkar í þeim verkefnum sem við vinnum að hverju sinni
Svona styðjum við verðandi og nýbakaða foreldra
Hvíld fyrir fæðingu barns
Þau sem ganga með barn býðst allt að fjögurra vikna launað leyfi fyrir áætlaðan fæðingardag. Leyfið hefur ekki áhrif á veikindarétt.
Launaþróun tryggð fyrir fæðingarorlof
Launasamtal fyrir orlof sem tryggir að launaþróun staðni ekki ef starfsmaður er á leið í langt samfellt fæðingarorlof.
Námskeiðsstyrkur
Helix býður foreldrum tækifæri til að sækja námskeið sem styðja við undirbúning fyrir fæðingu eða efla tengslamyndun, s.s. meðgöngujóga eða ungbarnasund.
Orlofsávinnsla í fæðingarorlofi
Þeir foreldrar sem fara í að minnsta kosti fimm mánaða samfellt fæðingarorlof halda áfram að safna orlofi. Fjöldi greiddra orlofsdaga eftir fæðingar- orlof geta numið 12–15 dögum, allt eftir áunnum réttindum.
Sveigjanleiki eftir fæðingarorlof
Að loknu fæðingarorlofi býðst starfsmanni að snúa aftur í hlutastarf eða starf með aukinn sveigjanleika í lengri eða skemmri tíma óski starfsmaður eftir því.
Starfsfólk Helix gerast ofurhetjur á ofurhetjudögum Origo
Ofurhetjudagarnir eru ein af leiðum Origo til kynda undir sköpunargleði og nýsköpun innan fyrirtækisins. Allt starfsfólk Origo og dótturfélaga getur tekið þátt og það fær frelsi og tíma til að vinna að sínum eigin hugmyndum. Það myndast alltaf frábær stemmning í kringum ofurhetjudagana. Sumir starfsmenn leggja á sig að vinna allan sólarhringinn að hugmyndinni. Það er því mikill metnaður í gangi sem gerir þetta enn skemmtilegra.
Margar hugmyndir og lausnir hafa einmitt fæðst á ofurhetjudögum Origo í gegnum árin sem hafa orðið að nýjum vörum og komið viðskiptavinum okkar til góða með ýmsum hætti. Sigur í keppninni veitir vinningsliðinu montrétt og ofurhetjuskikkjuna sem er hinn eiginlegi farandbikar keppninnar ásamt því að Origo styður við áframhaldandi þróun hugmyndarinnar.
Fréttir og blogg
Púlsinn
Viltu sjá nýjust fréttir af Helix og hugleiðingar um heilbrigðistækni?
