Lausnir Helix

Saga er sjúkraskrárkerfi sem heldur utan um rafræna sjúkraskrá á Íslandi. Saga er eitt útbreiddasta sjúkraskrárkerfið á landinu og er notað á öllum helstu heilbrigðisstofnunum og heilsugæslum landsins, fjölda einkarekinna stöðva og á hjúkrunarheimilum.

Með notkun á Iðunni getur heilbrigðisstarfsfólk á hjúkrunarheimilum skráð upplýsingar um íbúa sína í rauntíma og þaðan sendast allar upplýsingar beint í Sögu, sjúkraskrá einstaklings.

Vissa þjóustugátt er ný og brautryðjandi þjónusta sinnar tegundar á Íslandi. Vissa býður upp á fjarheilbrigðiþjónustu í formi samskipta og hægt er að greiða fyrir þjónustuna í lausninni.  Með Vissu má stytta biðlista hjá sérfræðingum í heilbrigðisþjónustu með því að afgreiða fleiri tilfelli á styttri tíma, auka aðgengi landsbyggðar að sérfræðilækningum og einfalda skráningu lækna, sem vistast beint úr gáttinni í Sögu sjúkraskrá.

Hekla er lokað rafrænt samskiptanet til sendinga á heilbrigðisgögnum á milli aðila á heilbrigðissviði. Allar heilbrigðisstofnanir landsins, öll apótek, Tryggingarstofnun, Sjúkratryggingar Íslands, Embætti Landlæknis og aðrir viðkomandi eru tengdir Heklu sem gerir mögulegt að senda rafræn gögn á milli ólíkra hugbúnaðarkerfa með öruggum, stöðluðum og auðveldum hætti.

Rafrænt lyfjagjafaskráningarkerfi gerir hjúkrunarfræðingum kleift að halda utan um tínslu lyfja, lyfjaskömmtun og skrá lyfjagjöf.

Askja er úrvinnslutól sem vinnur með gögn úr Sögu. Bæði er boðið upp á skýrslur og aðgang í Excel með notkun svokallaðra gagnateninga eða kubba sem hægt er að snúa á ýmsa vegu.

Lyfjavísir eykur öryggi og gæði í lyfjameðferð einstaklinga með því að veita aðgengi að uppflettingum milliverkana. Þannig auðveldar hann og flýtir fyrir störfum heilbrigðisstarfsfólks.

Í Deildarvaka er hægt að sjá yfirlit sjúklinga á deild. Upplýsingar eru unnar upp úr Sögu og kallaðar eru fram lykilupplýsingar um sjúklinginn, aðvaranir og aðkallandi verkefni. Mismunandi er eftir starfsemi hvað birtist á slíku yfirliti og er Deildarvaki sniðinn að þörfum hverrar deildar fyrir sig.

Heilsuvera er samskiptagátt einstaklinga og heilbrigðisstarfsmanna. Einstaklingar skrá sig inn á ,,mínar síður‘‘ og geta þar átt í öruggum samskiptum við heilbrigðisstarfsfólk, endurnýjað lyf, bókað tíma og sótt upplýsingar um eigið heilsufar eða barna sinna. Á heilsuvera.is má finna fræðsluefni um sjúkdóma, forvarnir og fyrirbyggjandi leiðir til heilbrigðara lífs.

Medicor er alhliða lyfjaafgreiðslukerfi fyrir apótek. Auk hefðbundinnar lyfjaafgreiðslu tekur Medicor á móti rafrænum lyfseðlum og sendir upplýsingar um afgreidda lyfseðla til Tryggingastofnunar.

Skráning í rauntíma, yfirsýn yfir dagskrá starfsmanns og hjúkrunargreiningar ásamt því að skrá verkþætti og mælingar.